ხაბიბმა ევრას MMA-ში დებიუტისთვის მომზადებაში დახმარება შესთავაზა

პატრის ევრას MMA-ში სადებიუტო ბრძოლისთვის მომზადებაში ხაბიბ ნურმაგომედოვი დაეხმარება. როგორც ფრანგი ექსფეხბურთელის მიერ სოციალურ ქსელებში გამოქვეყნებული ვიდეოდან ირკვევა, ნურმაგომედოვმა მას ბრძოლისთვის მომზადებაში დამხარება თვითონ შესთავაზა.

ნურმაგომედოვი: რად გინდა ჩხუბი, თუ საჭიროა, შენს ნაცვლად მე ვიჩხუბებ!

ევრა: მადლობა ჩემზე ზრუნვისთვის, მაგრამ ვარჯიში მჭირდება, სრული სერიოზულობით უნდა მოვეზმადო. შენთან ვარჯიში მჭირდება, იმიტომ რომ ამ სპორტს დიდ პატივს ვცემ.

ნურმაგომედოვი: არაერთხელ მითქვამს, გამომიგზავნე კოორდინატები და ჩამოვალ, მაგრამ როდესაც გნახავ, მზად უნდა იყო და მეტოქეების განადგურებას გასწავლი.

View this post on Instagram

A post shared by PFL Europe (@pfleurope)

შეგახსენებთ, რომ მანჩესტერ იუნაიტედის, იუვენტუსის და საფრანგეთის ნაკრების ექსფეხბურთელი 23 მაისს პარიზში PFL-ის ღონისძიებაზე სადებიუტო ბრძოლას გამართავს. 43 წლის ექსფეხბურთელის მეტოქის ვინაობა ჯერჯერობით უცნობია.