ევროპის ჩემპიონატი ძიუდოში: საქართველოს ნაკრები ფინალშია

ძიუდოში, ევროპის გუნდური ჩემპიონატის ნახევარფინალში საქართველოს ნაკრებმა გერმანია 4:0 დაამარცხა და ფინალში იტალიას დაუპირისპირდება. გამარჯვებები ლიპარტელიანის, ბახბახაშვილის, ჭანტურიას და მაისურაძის ანგარიშზეა.

რაც შეეხება ფინალამდე განვლილ გზას, პირველ შეხვედრაში საქართველოს ნაკრებმა აზერბაიჯანს აჯობა - 4:0. მეოთხედფინალში ქართველებმა ავსტრიელებს 4:1 სძლიეს.

ფინალი თბილისის დროით 18:00 საათზე დაიწყება.