BMF ქამრისთვის | დასტინ პორიესა და მაქს ჰოლოუეის ტრილოგია
მაქს ჰოლოუეი მომდევნო ორთაბრძოლას დასტინ პორიეს წინააღმდეგ გამართავს. UFC-იმ ოფიციალური განცხადება გაავრცელა და სოციალურ ქსელში გამოქვეყნებული პოსტით „დალოცვილისა“ და „ბრილიანტის“ მესამე ორთაბრძოლა გამოაცხადა.
ჰოლოუეი და პორიე UFC 318-ზე იჩხუბებენ, რომელიც 19 ივლისს (თბილისის დროით, 20 ივლისს) ნიუ ორლეანში გაიმართება. მათი ორთაბრძოლა მსუბუქ წონით დივიზიონში შედგება და სასწორზე BMF-ის (The Baddest Motherfucker) სიმბოლური ქამარი იდება.
WHO WILL BE THE BADDEST OF THEM ALL???
— UFC (@ufc) April 25, 2025
The hometown kid @DustinPoirier challenges @BlessedMMA for the BMF belt in his final trip to the Octagon!#UFC318 | @GNOSports | Learn More: https://t.co/GUdzvfNyaj pic.twitter.com/fDnILvrVwW
ჰოლოუეი და პორიე ლეგენდები არიან და ერთმანეთს ძალიან კარგად იცნობენ. მათ ორჯერ უჩხუბიათ და ორივეჯერ პორიემ იმარჯვა. 2012 წელს, ჰოლოუეი მტკივნეული ილეთით დამარცხდა, 2019-ში კი, დასტინმა მსაჯების ერთსულოვანი გადაწყვეტილებით მოიგო.
ცნობისთვის, ჰოლოუეის კარიერაში 34 ორთაბრძოლა აქვს გამართული და მის ანგარიშზე 26 მოგება და 8 წაგებაა. პორიეს 40 ორთაბრძოლიდან მოგებული 30 აქვს, ერთხელ კი ჩხუბის შედეგი გაუქმდა.
