თოფურიას მსგავსად - ბრძოლისთვის მოსამზადებელი ეტაპი მახაჩევმაც დაიწყო
ორი დღის წინ, ილია თოფურიამ სოციალურ ქსელში მომდევნო ჩხუბისთვის მოსამზადებელი კემპის დაწყების შესახებ დაწერა.
the camp has begun
— Ilia Topuria (@Topuriailia) April 22, 2025
ცნობილი ესპანელი ჟურნალისტის, ალვარო კოლმენეროს ინფორმაციით, რომელიც UFC-ისთან და თოფურიასთან დაახლოებული პირია, ამჯერად წერს, რომ მოსამზადებელი კემპი ისლამ მახაჩევმაც დაიწყო.
„ვადასტურებ, რომ ისლამ მახაჩევმა მომდევნო ბრძოლისთვის მოსამზადებელი კემპი დაიწყო“.
- წერს კოლმენერო.
I can confirm that Islam Makhachev has already started a training camp for his next fight.
— Álvaro Colmenero (@KOlmeneroMMA) April 24, 2025
28 წლის ილია თოფურია უდიდესი ალბათობით თავის მომდევნო ბრძოლას 29 ივნისს, ლას ვებასში UFC 317-ზე გამართავს. მისი მეტოქე ჩარლზ ოლივეირა ან ისლამ მახაჩევი იქნება.
ამჟამად გასარკვევია, მახაჩევი ბრძოლას 70კგ-ში ჩაატარებს თუ ერთი დივიზიონით ზევით გადაინაცვლებს.
მათთან ერთად დაბრუნებისთვის ემზადება ბრაზილიელი ჩარლზ ოლივეირაც. ბოლოს მან ნოემბერში იჩხუბა და მაიკლ ჩენდლერი დაამარცხა.
ყველაზე მოსალოდნელი სცენარით, ილია თოფურია ოქტაგონზე 29 ივნისს, ლას ვეგასში, UFC 317-ზე დაბრუნდება.
