UFC 314 | ვოლკანოვსკიმ და ლოპესმა საჩემპიონო წონა დააფიქსირეს
UFC-ის მომდევნო ღონისძიება UFC 314-ია, რომლის მთავარი მოვლენაც ალექსანდრ ვოლკანოვსკისა და დიეგო ლოპესის საჩემპიონო დაპირისპირებაა. ისინი ქვემსუბუქი წონითი დივიზიონის ქამრისთვის იბრძოლებენ, მაიკლ ჩენდლერი და პედი პიმბლეტი კი თანამთავარი მოვლენის მონაწილეები არიან.
ტრადიციულად, პარასკევს, აწონვების ცერემონია გაიმართა და ვოლკანოვსკიმ და ლოპესმა ერთნაირი წონა დააფიქსირეს - 65.77 კილოგრამი. ერთსა და იმავეს იწონიან ჩენდლერი და პიმბლეტიც - 70.7 კილოგრამი.
Alex Volkanovski and Diego Lopes are locked in for their titile fight at #UFC314 ????
— ESPN MMA (@espnmma) April 11, 2025
Saturday 10 PM ET on ESPN+ PPV ???? pic.twitter.com/tdkcaysQAb
სხვა მებრძოლებს რაც შეეხებათ, ბრაის მიტჩელი და ჟან სილვა თანაბარი წონისანი არიან - 66.2 კგ. იაირ როდრიგესი პატრისიო ფრაირეზე ოდნავ მძიმეა - 66.2, 65.77-თან. ნიკიტა კრილოვმა და დომინიკ რეიესმა ერთნაირი წონა დააფიქსირეს - 93.44 კგ.
შეგახსენებთ, რომ ვოლკანოვსკი და ლოპესი ილია თოფურიას მიერ, ვაკანტურად დატოვებული ქამრისთვის იასპარეზებენ. ღონისძიება თბილისის დროით, კვირას დილით არის ჩანიშნული.
