ჩემპიონთა ლიგა - შერმადინის 19 ქულა, ტენერიფემ ტორტონას მოუგო
საკალათბურთო ჩემპიონთა ლიგის მეოთხედფინალში ლაგუნა ტენერიფემ ტორტონას უმასპინძლა და უმძიმეს ბრძოლაში, ოვერ ტაიმის შედეგად, 93:89 დაამარცხა.
???????? ¡¡Sí!! El primero se queda en casa. Gran partido para continuar con la enorme racha de este equipazo. ¡Vamos, @CB1939Canarias! ????????#BCL2025 pic.twitter.com/A5Nuj2lhXm
— Luis Yeray Gutiérrez (@LuisYerayAlcald) April 9, 2025
გამორჩეული მატჩი ჰქონდა გიორგი შერმადინს, რომელიც, როგორც ყოველთვის ძირითად შემადგენლობაში მოგვევლინა.
ქართველმა კალათბურთელმა პარკეტზე 37 წუთი და 28 წამი დაყო. ამ პერიოდის განმავლობაში, გიორგიმ 19 ქულას, 5 მოხსნას და 2 შედეგიან გადაცემას მოუყარა თავი.
მატჩის მიმდინარეობისას, შერმადინმა 9-ჯერ ისროლა 2-ქულიანი და 7 ჩააგდო. 7 საჯარიმო ტყორცნიდან კი ზუსტი 5 აღმოჩნდა. 5 მოხსნიდან 4 საკუთარ ფარზე შეასრულა, 1 მეტოქის.
მე-4 მეოთხედში, ქართველმა კალათბურთელმა ეფექტური "ჩატენვა" შემოგვთავაზა.
The dynamic duo is on the job…
— mythoshoops (@mythoshoops) April 9, 2025
Marcelinho Huertas ???? ???? Giorgi Shermadini@BasketballCL | @CB1939Canarias
pic.twitter.com/8Xcv3gprsE
აღსანიშნავია ის ფაქტიც, რომ გიორგიმ არცერთი პერსონალური ფოლი არ მიიღო. ჯამში, მასზე უკეთესი შედეგი მხოლოდ ბრაზილიელმა ჰუერტასმა დააფიქსირა, რომელმაც არასრულ 37 წუთში 26 ქულა, 2 მოხსნა და 9 პასი მიითვალა.
ცნობისთვის, ამ გუნდების განმეორებითი დაპირისპირება 16 აპრილით თარიღდება და თბილისის დროით 20:30-დან დაიწყება.
