კვარაცხელია: ამ შედეგით კმაყოფილები ვართ, თუმცა გავაგრძელებთ, რადგან საპასუხო მატჩი გველის

ჩემპიონთა ლიგის 1/4 ფინალური ეტაპის პირველ მატჩში, ხვიჩა კვარაცხელიას პსჟ საკუთარ მოედანზე „ასტონ ვილას“ დაუპირისპირდა და ანგარიშით 3:1 დაამარცხა.

თამაშის დასრულების შემდეგ, ქართველმა ფეხბურთელმა, რომელიც მატჩის საუკეთესოდ დასახელდა, მედიასთან კომენტარი გააკეთა.

„ცუდად დავიწყეთ, როცა ის გოლი გავუშვით, თუმცა დუემ გაიტანა და ჩვენ თამაშის შემობრუნება შევძელით. ვცდილობდით უფრო მეტი და მეტი გაგვეტანა. ამ შედეგით კმაყოფილები ვართ, თუმცა გავაგრძელებთ, რადგან საპასუხო მატჩი გველის და ის ჯერ არ დასრულებულა. თამაში 90 წუთს გრძელდება. არ აქვს მნიშვნელობა, გოლებს გავუშვებთ თუ არა, ჩვენ კონცენტრირებულები უნდა დავრჩეთ მთელი 90 წუთის განმავლობაში, ჩემი გოლი? ზუსტად არ მახსოვს. კიდევ ერთხელ ვნახავ, იყო თუ არა კარგი. საპასუხო მატჩი საკმაოდ რთული იქნება, მაგრამ ჩვენ მოგვიწევს ჩვენი თამაში ვითამაშოთ და ვფიქრობ, შევძლებთ. ვნახოთ, რა მოხდება“, - თქვა კვარამ.