რონალდინიო: მსოფლიოში საუკეთესო ბრაზილიელი ფეხბურთელი ვინისიუსია
ბრაზილიის ეროვნული ნაკრების, „ბარსელონას“ „პარი სენ-ჟერმენისა“ და „მილანის“ ყოფილმა შემტევმა დაასახელა მოთამაშე, რომელიც მას საუკეთესო ბრაზილიელ ფეხბურთელად მიაჩნია.
„ვინისიუს ჟუნიორი უძლიერესი ბრაზილიელი ფეხბურთელია. მე ასევე ძალიან მომწონს რაფინია“, - თქვა რონალდინიომ.
შეგახსენებთ, რომ ვინისიუსი სამეფო კლუბში „ფლამენგოდან“ 2018 წლის ზაფხულში გადავიდა. „რეალის“ შემადგენლობაში მან ყველა ტურნირზე, 307 მატჩში მიიღო მონაწილეობა.
რაც შეეხება მიმდინარე სეზონს, ბრაზილიელმა 42 მატჩი ჩაატარა, 19 გოლი გაიტანა და 13 ასისტი შეასრულა. Transfermarkt-ზე მისი საბაზრო ღირებულება 200 მილიონი ევროა.
