ფიორენტინა დე ხეასთან კონტრაქტის გაგრძელებას აპირებს
დავიდ დე ხეა „ფიორენტინაში“ 2026 წლამდე დარჩება. ინფორმაციას ფაბრიციო რომანო ავრცელებს.
როგორც ცნობილი ინსაიდერი წერს, იტალიური კლუბი მზად არის 34 წლის ესპანელ მეკარეს კონტრაქტი გაუგრძელოს.
მიმდინარე სეზონში, დე ხეამ 28 მატჩი ჩაატარა, 10 თამაშში კარი მშრალად შეინახა და მთლიანობაში 29 გოლი გაუშვა.
შეგახსენებთ, რომ დავიდი „ფიორენტინაში“ გასული წლის აგვისტოში გადავიდა. Transfermarkt-ზე მისი საბაზრო ღირებულება 5 მილიონი ევროა.
