ლიონმა ლილს მოუგო | მიქაუტაძე ასისტთან იყო ახლოს

ლიგა 1-ის 28-ე ტურში „ლიონმა“ „ლილს“ უმასპინძლა და 2:1 იმარჯვა. პირველივე წუთზე სტუმრები ბაფოდე დიაკიტემ დააწინაურა, 38-ე წუთზე კი ალექსანდრ ლაკაზეტმა პენალტი მოიპოვა და წონასწორობა აღადგინა. 70-ე წუთზე რაიან ჩერკიმ პაულო ფონსეკას გუნდი წინ გაიყვანა.

რაც შეეხება „ლიონის“ ქართველ ფორვარდს, გიორგი მიქაუტაზეს, მან მატჩი სათადარიგოთა სკამზე დაიწყო და მოედანზე მხოლოდ 69-ე წუთზე გამოჩნდა. 

ქართველ ფორვარდს აშკარა საგოლე მომენტი არ ჰქონია, ერთ შემთხვევაში კი მისი პასის შემდეგ „ლილის“ კარში მესამე გოლი ტიაგო ალმადას უნდა გაეტანა, თუმცა არგენტინელმა ახლო მანძილიდან ბურთი პირდაპირ სტუმართა მეკარის ხელებში გაუშვა.

მიქაუტაძემ Sofascore-ისგან 6,7-იანი შეფასება დაიმსახურა, მისი სტატისტიკა კი ასეთი იყო: 13 შეხება ბურთთან, 9-დან 9 ზუსტი პასი (100%), 1 საკვანძო პასი, 1 შექმნილი საგოლე მომენტი, 1 წარუმატებელი დრიბლინგი, 3 წაგებული ორთაბრძოლა. გიორგიმ 3-ჯერ დაკარგა ბურთი და მეტოქეს ერთხელ დაარღვევინა წესები.

28 მატჩის შემდეგ „ლიონი“ 48 ქულით სატურნირო ცხრილის მე-4 ადგილზეა. მომდევნო მატჩს მიქაუტაძის გუნდი 13 აპრილს, გასვლაზე, „ოსერის“ წინააღმდეგ გამართავს.