U19 | კანკიას და ბოლქვაძის გოლებით საქართველომ ლიხტენშტეინს მოუგო

საქართველოს 19-წლამდე გოგონათა ნაკრებმა ევროპის ჩემპიონატის საკვალიფიკაციო ეტაპის ბ ლიგის მეორე რაუნდის მეორე მატჩი გამართა, სადაც ლიხტენშტეინს დაუპირისპირდა და 2:0 დაამარცხა.

აღსანიშნავია, რომ ქართველი გოგოები მთელი მატჩის განმავლობაში გააქტიურდნენ და შეხვედრის ბოლოს, ლიხტენშტეინის მეკარეს 15 მოგერიება ჰქონდა.

ანგარიში მე-15 წუთზე კვარტალის ფეხბურთელმა ლიზი კანკიამ გახსნა. პირველი ტაიმი 1:0 დასრულდა.

მეორე ნახევარში, ქართველები კიდევ უფრო მეტად გააქტიურდნენ. 79-ე წუთზე თავი ბათუმის უკანახაზელმა ელენე ბოლქვაძემ გამოიჩინა და მატჩის საბოლოო შედეგი დააფიქსირა.

შეგახსენებთ, რომ 2 ტურის შემდეგ, საქართველოს გოგონათა 19-წლამდე ნაკრებს 4 ქულა აქვს და სატურნირო ცხრილში მეორე ადგილზე იმყოფება. ბოლო ტურში, ლავრენტი დავითაშვილის შეგირდები მასპინძელ ბულგარეთს დაუპირისპირდებიან.