კვარა საფრანგეთის ჩემპიონია | ხვიჩას საგოლე პასი და ზეიმი პარკ დე პრენსზე

საფრანგეთის ლიგა 1-ის 28-ე ტურში პსჟ-მ შინ „ანჟე’’ 1:0 დაამარცხა და ჩემპიონატის დასრულებამდე 7 ტურით ადრე ჩემპიონობა გაინაღდა. ლუის ენრიკემ ხვიჩა კვარაცხელია სასტარტოში ათამაშა. მიუხედავად იმისა, რომ კვარას საუკეთესო მატჩი არ ჰქონია, გამარჯვებაში დიდი წვლილი შეიტანა, 55-ე წუთზე მისი ბრწყინვალე ჩაწოდების შემდეგ დუემ ანგარიში გახსნა.

ხვიჩას საგოლე პასი

 

მატჩის მიწურულს ხვიჩას გოლის გატანის რეალური შანსი ჰქონდა, თუმცა ახლო მანძილიდან ცუდად დაარტყა.

მიუხედავად იმისა, რომ პსჟ ოთხშაბათს, 9 აპრილს, ჩემპიონთა ლიგაზე „ასტონ ვილას'' დაუპირისპირდება, ლუის ენრიკემ ხვიჩა კვარაცხელია შეუცვლელად ათამაშა, არ დაასვენა.

კვარას გამორჩეული მომენტები

ხვიჩა კვარაცხელია ლუის ენრიკეს გუნდს ზამთარში შეუერთდა, ლიგა 1-ის 10 მატჩში 2 გოლი გაიტანა და 3 საგოლე პასი შეასრულა. ქართველმა ვარსკვლავმა ტოპ 5 ლიგიდან უკვე ორი ჩემპიონატი მოიგო, 2022-23 წლების სეზონში „ნაპოლისთან'' ერთად იტალიის ჩემპიონი გახდა.

ხვიჩა კვარაცხელია პირველი ქართველი ფეხბურთელია, რომელმაც ტოპ 5 ლიგიდან 2 მოიგო.

პარიზულმა გუნდმა საფრანგეთის ჩემპიონობა ისტორიაში მეცამეტედ მოიპოვა (1985–86, 1993–94, 2012–13, 2013–14, 2014–15, 2015–16, 2017–18, 2018–19, 2019–20, 2021–22, 2022–23, 2023–24, 2024–25).

პსჟ ლიგა 1-ის გამარჯვებული ზედიზედ მეოთხედ გახდა.

ზეიმის კადრები