რონალდუ: “1000 გოლი ? ამისთვის არ ვიბრძვი“

საუდის პრო ლიგის მორიგ ტურში ალ ჰილალს ესტუმრა და 3:1 დაამარცხა. დუბლი შეასრულა კრიშტიანუ რონალდუმ, რომელსაც კარიერაში 931 გოლი დაუგროვდა.

მატჩის დასრულების შემდეგ, ადგილობრივმა მედიამ სწორედ ამ საკითხზე დაუსვა კითხვა.

რონალდუ:

„69 გოლი 1000 გოლამდე? მოდით ამ მომენტით და დღევანდელობით დავტკბეთ. არ ვიბრძვი იმისთვის, რომ 1000 გოლი გავიტანო. თუ გამომივა დიდებული იქნება. თუ არ გამომივა პრობლემა არ არის.

ახლა განსაკუთრებული მომენტია. ვტკბები ამ ყველაფრით და დიდებული გამარჯვებით. სტუმრად კონკურენტის დამარცხება ადვილი არ არის. გამარჯვება იმიტომ კი არ იყო დიდებული, რომ მე გავიტანე, არა! კონკურენტის დამარცხებაა სასიამოვნო. რა თქმა უნდა, გოლების გატანითაც ბედნიერი ვარ.“  

შეგახსენებთ, რომ ალ ნასრის 26 ტურის შემდეგ, 54 ქულა აქვს, მესამე ადგილზე იმყოფება და ლიდერ ალ იტიჰადს 7 ქულით ჩამორჩება, თუმცა კარიმ ბენზემას გუნდს 1 მატჩით ნაკლები აქვს ჩატარებული. მეორე პოზიციაზე 57 ქულით ალ ჰილალია.