ჩაკვეტაძე სათადარიგოთა სკამზე დარჩა - უოტფორდის მწვრთნელმა მიზეზი დაასახელა
„ბრისტოლ სიტისთან“ მატჩის წინ „უოტფორდის“ თავკაცმა, ტომ ქლევერლიმ გიორგი ჩაკვეტაძეზე და ძირითად შემადგენლობაში მისი არყოფნის მიზეზებზე ისაუბრა.
ტომ ქლევერლი:
„გიორგის ფეხის თითის პრობლემა აქვს, რაც ბოლო მატჩებში მას ხელს უშლიდა. კლუბსა და ნაკრებში თითქმის ყველა მატჩი ითამაშა. წინ დატვირთული, 3-მატჩიანი კვირა გვაქვს, ამიტომ გვსურს, მას მოვუფრთხილდეთ“.
ცნობისთვის, ჩაკვეტაძის „უოტფორდს“ 53 ქულა აქვს და ჩემპიონშიფის პლეიოფში მოსახვედრად იბრძვის. „კრაზანები“ მეექვსე ადგილზე მყოფ „ვესტ ბრომვიჩს“ 4 ქულით ჩამორჩებიან და მომდევნო შეხვედრა „ბრისტოლ“ სიტისთან“ ელით, რომელსაც ასევე 57 ქულა აქვს.
რაც შეეხება ქართველ ფეხბურთელს, მან მიმდინარე სეზონში 40 მატჩში 2 გოლი და 7 საგოლე პასი დაუგროვდა.
