„ვოლკანოვსკის შემდეგ ევლოევს ვითხოვ“ - დიეგო ლოპესის გეგმები

ზუსტად ერთ კვირაში გაირკვევა ქვემსუბუქი წონითი დივიზიონის იმ საჩემპიონო ქამრის მფლობელის ვინაობა, რომელიც ვაკანტური ილია თოფურიას მსუბუქ წონაში ასვლის შემდეგ გახდა. UFC-ის ავსტრალიელი ლეგენდის, ალექსანდრ ვოლკანოვსკის მეტოქე ის დიეგო ლოპესი იქნება, რომელსაც მხოლოდ ორი წელი დასჭირდა საიმისოდ, რომ სატიტულო ბრძოლა მიეღო. ლოპესი საკუთარ გამარჯვებაში დარწმუნებულია და ამაზე ისიც მეტყველებს, რომ ის უკვე სამომავლო გეგმებს აწყობს:

„მე და მოვსარი დივიზიონის სათავეში ვართ, რის გამოც ჩვენი დაპირისპირება აუცილებელი გახდება. ახლა მთლიანად ალექსანდრ ვოლკანოვსკისთან ბრძოლაზე ვარ ფოკუსირებული, თუმცა როგორცკი საჩემპიონო ქამარს მოვიგებ, UFC-ის ხელმძღვანელებს ვთხოვ ევლოევთან ბრძოლა ჩამინიშნონ“.

ცნობისათვის, მოვსარ ევლოევს UFC-ში ჯერ არც ერთი შეხვედრა არ წაუგია, თუმცა მის სიძლიერეს ბევრი აყენებს ეჭვქვეშ იმის გამო, რომ აბსოლუტურად ყველა ბრძოლა მსაჯების გადაწყვეტილებით აქვს მოგებული. სხვათა შორის, რამდენიმე დღის წინ მედიის წინაშე ევლოევიც გამოჩნდა, რომელმაც აღნიშნა, რომ 17 მაისს ბრაიან ორტეგასთან ჩხუბის ჩანიშვნას ელოდებოდა, თუმცა UFC-ის ხელმძღვანელები სულ სხვა მოწინააღმდეგეს სთავაზობენ, რომელზეც საუბარი არ ისურვა.