დარჩენაზე უარი თქვა - მამარდას კონკურენტი ლიდსში მიდის

სულ რამდენიმე თვეში გიორგი მამარდაშვილი „ვალენსიას“ დაემშვიდობება და ინგლისის პრემიერ ლიგის ერთ-ერთ გრანდს, „ლივერპულს“ შეუერთდება, სადაც ძირითად შემადგენლობაში მოსახვედრად ბრძოლა მსოფლიოს ერთ-ერთ უძლიერეს მეკარე ალისონ ბეკერთან მოუწევს. გიორგის საქმეს ურთულებდა ის ფაქტი, რომ კაოიმჰინ კელეჰერის სახით, „წითლების“ ღირსებას ბრაზილიელის გარდა, კიდევ ერთი უმაღლესი დონის გოლკიპერი იცავდა. თუმცა, ბოლო ინფორმაციით, ირლანდიელის წასვლა პრაქტიკულად გადაწყვეტილი ამბავია.

TEAMTalk-ის ცნობით, კელეჰერმა „ლივერპულთან“ კონტრაქტის გახანგრძლივებაზე კატეგორიული უარი განაცხადა, რადგან მომავალ სეზონში თუნდაც სათასო მატჩებში მოედანზე რეგულარულად გამოჩენასთან დაკავშირებით გარანტიები ვერ მიიღო. თუ ადრე მის ტრანსფერს „ნიუკალსა“ და „ბორნმუთს“ უკავშირებდნენ, ახლა ჰორიზონტზე „ლიდსიც“ გამოჩნდა, რომელიც ირლანდიელ მეკარეს მხოლოდ იმ შემთხვევაში გადაიხდის სოლიდური თანხას, თუ ამ სეზონში დასახულ მიზანს მიაღწევს და პრემიერ ლიგაში დაბრუნდება, რაც კლუბს სერიოზულ ფინანსურ სარგებელს მოუტანს.

ეს ყველაფერი იმას ნიშნავს, რომ გიორგი მამარდაშვილს ერთით ნაკლები კონკურენტი ეყოლება, რომელიც როგორც მის სათამაშო დონეს შეესაბამება, „ლივერპულში“ უდიდესი ამბიციებით ჩადის და ალისონთან კონკურენციის მოგებას აპირებს.