მამუკელაშვილის 5 ქულა - სპურსმა კლივლენდთან წააგო
„სან ანტონიომ“ საკუთარ დარბაზში NBA-ს აღმოსავლეთ კონფერენციის ლიდერ „კლივლენდს“ დიდი ბრძოლა გაუმართა, თუმცა საბოლოო მინიმალური სხვაობით, 113:114 დამარცხდა. სანდრო მამუკელაშვილმა წინა მატჩისგან შედარებით ნაკლები სათამაშო დრო მიიღო და მართალია ისევ ორმაგი დუბლი არ შეუსრულებია, მაგრამ „სპურსისთვის“ გარკვეული სარგებლის მომტანი მაინც იყო.
მამუკელაშვილმა პარკეტზე გატარებულ 12 წუთში 5 ქულასთან ერთად, 5 მოხსნა დააგროვა და 2 პერსონალური ჯარიმა მიიღო. „სან ანტონიოს“ ქართველმა კალათბურთელმა სამიდან ერთი სამქულიანი და ორიდან ერთი ორქულიანი ჩააგდო. ხუთი მოხსნიდან სამი დაცვაში, ორი კი შეტევაში თამაშისას მიითვალა.
77 თამაშის შემდეგ 32 მოგებითა და 45 წაგებით „სპურსი“ დასავლეთ კონფერენციაში მეცამეტე ადგილზეა. მომდევნო შეხვედრას მამუკელაშვილი და მისი თანაგუნდელები სტუმრად „პორტლენდთან“ გამართავენ, რომელიც ხვალ, თბილისის დროით ღამის 2 საათზე დაიწყება.
