„კვარას გაყიდვა ეკონომიკური გადაწყვეტილება იყო“ - ნაპოლის ექსფეხბურთელი

„ნაპოლის“ ექსფეხბურთელმა, გეორგე გარიჩმა ხვიჩა კვარაცხელიას „პარი სენ-ჟერმენში“ გადასვლაზე ისაუბრა და „პარტენოპეის“ ჩემპიონობის შანსები შეაფასა.

გეორგე გარიჩი:

„როდესაც კვარას და ნერეშს დაკარგავ, ეს მთელ გუნდზე ნეგატიურად აისახება. საუბარია არა მხოლოდ მათ ტექნიკაზე, არამედ თვითრწმენასა და მენტალიტეტზეც. რომელიმე მათგანის არყოფნა „ნაპოლის“ არ დაეტყობოდა, მაგრამ ორივეს დაკარგვა რთული გადასატანია. „ნაპოლის“ რამდენიმე ფრე, მაგალითად, „უდინეზესთან“, „ლაციოსთან“ და „რომასთან“ სწორედ ამით არის განპირობებული.

ჩემპიონობა არარეალისტურად გამოიყურებოდა სეზონის სტარტზეც, მას შემდეგ კი ძალიან ბევრი რამ მოხდა. ჩემი აზრით, კვარას გაყიდვა ეკონომიკური გადაწყვეტილება იყო. არა მგონია, რომ სკუდეტოზე ჩაიქნიეს ხელი. კლუბს ჰყავს ძლიერი მმართველი დე ლაურენტისის სახით, რომელიც პირველ რიგში ბიზნესმენია და ფინანსებზე ფიქრობს. დეტალები ჩემთვის უცნობია, მაგრამ ვფიქრობ, რომ ეს იყო არა სპორტული, არამედ ეკონომიკური გადაწყვეტილება“.

ცნობისთვის, გეორგე გარიჩი „ნაპოლის“, „ატალანტას“ და „ბოლონიას“ ექსფეხბურთელია. ავსტრიელ განაპირა მცველს სერია ა-ში 200-ზე მეტი მატჩი აქვს ჩატარებული.