„მათი ბრძოლის ჩანიშვნას ველოდები“ - ომალიმ იანი VS უმარზე ისაუბრა
რამდენიმე თვეში შონ ომალი UFC-ის სუპერმსუბუქი წონითი დივიზიონის ქართველ ჩემპიონ მერაბ დვალიშვილთან რემატჩს გამართავს და როგორც თავად აცხადებს, წინა შეხვედრასთან შედარებით, ახლა გაცილებით უკეთ არის მომზადებული და ქართველ „მანქანას“ სერიოზულ პრობლემებს შეუქმნის. თავის მომავალი მეტოქის პარალელურად, „შუგა“ დივიზიონის სხვა მებრძოლებზე სასაუბროდაც იცლის და ამჯერად პიოტრ იანსა და უმარ ნურმაგომედოვს შორის გასამართ შესაძლო დაპირისპირებაზე ილაპარაკა.
რას ამბობს ომალი
მათი ბრძოლა ისეთთა კატეგორიას მიეკუთვნება, რომლის ჩატარებასაც საკმაოდ დიდი აზრი და დატვირთვა გააჩნია. პიოტრი უმარის წინააღმდეგ უბრალოდ ბრწყინვალე დაპირისპირება იქნება, განსაკუთრებით იმ შემთხვევაში, თუ ჩხუბს ხუთრაუნდიანის სტატუსი მიენიჭება.
საბრძოლო თვისებებზე თუ ვისაუბრებთ, იანი საუკეთესოთა შორისაა. საერთოდაც ვფიქრობ, რომ ის P4P-ის რეიტინგის ათეულში ყოფნას იმსახურებს.
შეგახსენებთ, რომ ომალი-დვალიშვილის ბრძოლა 8 ივნისს, ნიუ-ჯერსიში გასამართი ღონისძიების მთავარი მოვლენა იქნება და „შუგა“ სექტემბერში დაკარგული საჩემპიონო ქამრის დაბრუნებას შეეცდება.
