ამ ნაბიჯმა აშკარა გახადა, რომ კვარას გაყიდვა დროის ამბავი იყო | რას წერს La Repubblica

ცნობილმა იტალიურმა გამოცემამ, La Repubblica-მ „ნაპოლის“ სატრანსფერო პოლიტიკაზე მოკლედ ისაუბრა. La Repubblica-ს ხვიჩა კვარაცხელიას ტრანსფერი არ დავიწყებია და დაასახელა „პარტენოპეის“ ნაბიჯი, რომელმაც ნათელი გახადა, რომ „კვარას“ გაყიდვა დროის ამბავი იყო.

„დავიდ ნერეში გასულ ზაფხულს, ბენფიკადან შეიძინეს და კლუბში სჯეროდათ, რომ ის ანტონიო კონტესეულ იერარქიაში წამყვან ადგილს სწრაფად დაიკავებდა. ნერეში მეორეხარისხოვანი როლის შემსრულებელი მსახიობიდან, ძირითადი შემადგენლობის უცვლელი წევრი უნდა გამხდარიყო.

მოკლედ რომ ვთქვათ, ნაპოლის მხრიდან ეს გასროლა იყო. ნიშანი იმისა, რომ ისტორიული სკუდეტოს ერთ-ერთი პროტაგონისტის, ვიქტორ ოსიმენთან ერთად, გაყიდვა დროის ამბავი იყო და კასტელ ვოლტურნოში ზომები წინასწარ მიიღეს.

თუმცა, ყველაფერი ისე არ წარიმართა, როგორც მოსალოდნელი იყო, რადგან ცეცხლთან თამაში ძალიან სახიფათოა. როგორც კი 77 ნომერი პარი სენ-ჟერმენში გადავიდა და 7-ნომრიანი მაისური მოირგო, ნერეშმა ტრავმა მიიღო და თვე-ნახევრი გაუცდა“, - წერს იტალიური გამოცემა.

ცნობისთვის, ნერეშის ტრავმა „ნაპოლის“ ძალიან დაეტყო და „პარტენოპეი“ სერია A-ს ლიდერობიდან, მეორე ადგილზე გადავიდა. კონტეს ბიჭებს 64 ქულა აქვთ და „ინტერს“ 3 ქულით ჩამორჩებიან.