„სლოვენიელი ქათამი ვერასოდეს მაჯობებს“ - ონილმა იოკიჩზე ისაუბრა

ნიკოლა იოკიჩი წლიდან წლამდე NBA-ში თამაშის ხარისხს მკვეთრად აუმჯობესებს, რის გამოც როგორც ექსპერტები, ასევე გულშემატკივრები მას ნაციონალური საკალათბურთო ასოციაციის ლეგენდების გვერდით თამამად ასახელებენ. როგორც ჩანს, ასეთ მიდგომას კატეგორიულად არ ეთანხმება მსოფლიოს უძლიერესი ლიგის ყველა დროის ერთ-ერთი საუკეთესო მოთამაშე შაკილ ონილი, რაც მისმა კომენტარმაც ნათლად დაადასტურა. ESPN-ის ჟურნალისტმა შაკის სთხოვა მისი 2001 წლის და იოკიჩის 2025 წლის ვერსიების შედარება და ვეტერანს საკმაოდ ხისტი პასუხი გამოუვიდა.

რას ამბობს ონილი

სლოვენიელ ქათამზე მეკითხებით? რა თქმა უნდა, პერიმეტრიდან საოცრად კარგად ისვრის და მოხსნებშიც უზომოდ ძლიერია, თუმცა ეს დიდხანს ვერ გადაარჩენს. 2025 წლის იოკიჩი როგორცკი სამქულიანს ისროდა, სულის მოთქმას ვერ მოასწრებდა, მაშინვე შევუტევდი და მისი გუნდის ფართან აღმოვჩნდებოდი. მერწმუნეთ, ჩემი ორქულიანები გაცილებით უფრო ბევრი და ფასეული იქნებოდა, ვიდრე მისი სამიანები, რადგან ჩემი იდაყვის დახმარებით ყველაფერს ერთ წუთში მოვაგვარებდი.

ინტერვიუს დასასრულს, ჟურნალისტმა შაკილ ონილს შეუსწორა, რომ იოკიჩი არა სლოვენიელი, არამედ სერბია, თუმცა „ლეიკერსის“ ლეგენდამ აღნიშნა, რომ ეს არსებულ მოცემულობას არაფრით არ ცვლიდა.