„მთავარია, მენტალურად იყოს მზად“ - ხორხე კლიმენტი ილია თოფურიაზე

ილია თოფურიასა და ალექსანდრე თოფურიას მწვრთნელმა, ხორხე კლიმენტმა Marca-სთან ინტერვიუში „ლეგენდის“ მსუბუქ წონაში გადასვლაზე ისაუბრა.

ხორხე კლიმენტი:

„ამბობენ, რომ ილია თოფურია მსუბუქი წონისთვის პატარაა - ჩემი აზრით, ამას უცოდინარი ხალხი ამბობს. როდესაც ყველაფერი გააკეთე, რაც საჭირო იყო, და მზად ხარ ჩხუბისთვის, შენს ფიზიკურ პარამეტრებს აღარ აქვს მნიშვნელობა.

მებრძოლისთვის ყველაზე მნიშვნელოვანი მენტალური სიძლიერეა. ვფიქრობ, წარმატებაში ამას 90%-იანი წვლილი მიუძღვის, და არა მგონია, ვინმეს ისე სჯეროდეს საკუთარი თავის, როგორც ილიას სჯერა.

შემდეგი ბრძოლა? ყველაფერი UFC-ზეა დამოკიდებული, ყველაფერს თავისი დრო აქვს. ნებისმიერი პროგნოზი მხოლოდ პროგნოზად დარჩება - ყველაფერი ძალიან მალე გაირკვევა“.

ცნობისთვის, მახაჩევისა და თოფურიას შესაძლო ჩხუბის შესახებ ახალი ინფორმაცია ჯერ არ გავრცელებულა. რუსი მებრძოლის წარმომადგენლები თვლიან, რომ „ლეგენდამ“ საჩემპიონო ჩხუბი უნდა დაიმსახუროს და ტოპ 5-ის წარმომადგენელი დაამარცხოს.