რატომ წააგო უმარმა მერაბთან | ლეგენდარული მწვრთნელის უცნაური განმარტება
MMA-ის ლეგენდარულმა მწვრთნელმა, ხავიერ მენდესმა უმარ ნურმაგომედოვისა და მერაბ დვალიშვილის საჩემპიონო დაპირისპირებაზე ისაუბრა. მენდესი ნურმაგომედოვის მწვრთნელია და დაასახელა მიზეზი, რამაც მისი აზრით, „მანქანის“ გამარჯვება განაპირობა.
მენდესის განცხადებით, გადამწყვეტი მეხუთე რაუნდი დვალიშვილმა პუბლიკაზე თამაშითა და შოუს დადგმის წყალობით მოიგო. თორემ, რეალურად, ეს რაუნდი უმარს ეკუთვნოდა და მან მეტოქეს გაცილებით მეტი ზიანი მიაყენა.
„უმარს ვუთხარი, მეხუთე რაუნდი იმიტომ ვერ მოიგე, რომ მერაბი პუბლიკაზე თამაშობდა და შოუს დგამდა-მეთქი. გამარჯვებულივით იქცეოდა, როცა შენ დაღლილი გამოიყურებოდი. სწორედ ამიტომ, წაიღო დვალიშვილმა მეხუთე რაუნდი და უმარმა მას ამის საშუალება მისცა.
ზიანი, რომელიც დვალიშვილმა მას მიაყენა, ვერ შეედრებოდა ნურმაგომედოვის მიერ მიყენებულ ზიანს. მერაბმა აჩვენა, გამარჯვებული ვარ, გამარჯვებული ვარ და უმარმა ამაში ხელი ვერ შეუშალა“.
შეგახსენებთ, რომ სამი მსაჯიდან ორმა, დვალიშვილს 5-დან სამი რაუნდი მისცა - მესამე, მეოთხე და მეხუთე. ერთმა რეფერიმ, კრის კრეილმა „მანქანას“ 4 რაუნდი მისცა და ნურმაგომედოვს მხოლოდ მეორე რაუნდი არგუნა.
