თოფურია: ვოლკანოვსკი UFC-ს ლეგენდაა
UFC-ს ქართველმა მებრძოლმა, ილია თოფურიამ ესპანურ გაზეთს ინტერვიუ მისცა, სადაც სხვადასხვა თემაზე ილაპარაკა.
„ლეგენდამ“ მეტოქეებზე საუბრისას, ალექსანდრ ვოლკანოვსკი გამოარჩია და მისი პოტენციალი შეაქო.
„ვოლკანოვსკი UFC-ს ლეგენდაა, ეს ფაქტია. ის ყოველთვის პოზიტიური და ძლიერი ჩანს ოქტაგონზე“, - თქვა ილია თოფურიამ.
შეგახსენებთ, რომ რამდენიმე კვირის წინ, „ლეგენდამ“ ქვემსუბუქი წონითი დივიზიონის ქამარი ვაკანტური გახადა და მსუბუქ წონაში გადავიდა. თოფურიას მომდევნო მეტოქეზე ბევრი იწერება და ილიას თქმით, UFC-ი მას საჩემპიონო ორთაბრძოლას დაჰპირდა.
მსუბუქი წონითი დივიზიონის მოქმედი ჩემპიონი ისლამ მახაჩევია და ის აცხადებს, რომ „ლეგენდამ“ სატიტულო ჩხუბის მიღება უნდა დაიმსახუროს.
