მერაბს სხვა მეტოქე სურდა | რას ამბობს ჰელვანი დვალიშვილისა და ომალის ჩხუბზე
MMA-ის სამყაროში ერთ-ერთმა ყველაზე ცნობილმა ჟურნალისტმა, არიელ ჰელვანიმ საინტერესო ინფორმაცია გაავრცელა. ჰელვანიმ მერაბ დვალიშვილისა და შონ ომალის დაპირისპირებაზე ისაუბრა და განაცხადა, რომ „მანქანას“ სხვა მეტოქე სურდა.
„მერაბ დვალიშვილს პიოტრ იანთან ჩხუბი სურდა, მაგრამ UFC-იმ შონ ომალის ვარიანტი აირჩია. მერაბს უთხრეს, თუ მეტი ფულის გაკეთება უნდა, ომალი არის მებრძოლი, რომელსაც უნდა ეჩხუბოს“.
ცნობისთვის, დვალიშვილისა და ომალის შეხვედრა ღონისძიების მთავარი მოვლენა იქნება და ეს ინფორმაცია UFC-ის აღმასრულებელმა დირექტორმა, დენა უაითმა თავად გაავრცელა. UFC 316 ნიუარკში გაიმართება და კიდევ ერთ საჩემპიონო ორთაბრძოლას ვიხილავთ - ჯულიანა პენა ქამრის დაცვას კაილა ჰერისონთან შეეცდება.
შეგახსენებთ, რომ დვალიშვილისა და ომალის პირველი ორთაბრძოლა 2024 წლის სექტემბერში გაიმართა. მერაბმა დომინანტური გამოსვლა აჩვენა და მსაჯების ერთსულოვანი გადაწყვეტილებით იმარჯვა. „მანქანას“ პიოტრ იანიც დამარცხებული ჰყავს და მსაჯების ერთსულოვანი გადაწყვეტილებით სძლია.
