ტრავმის გამო, ლუნინმა შესაძლოა 4 კვირა გამოტოვოს
მადრიდის „რეალისა“ და უკრაინის ნაკრების მეკარემ, ანდრეი ლუნინმა შესაძლოა 1 თვეს ითამაშოს. ინფორმაციას ესპანური მედია ავრცელებს.
26 წლის ფეხბურთელმა „სოსიედადთან“ მატჩის დროს, ქუსლის კუნთი დაიზიანა. როგორც El Chiringuito წერს, ამის გამო, ლუნინი სავარაუდოდ 4 კვირას გამოტოვებს.
გამოცემის ინფორმაციით, კლუბში განიხილავენ ვარიანტს, რომ მეკარემ „ვალენსიასთან“ მატჩი ნემსების დამხარებით ჩაატაროს. ლა ლიგის შეხვედრა 5 აპრილს გაიმართება.
შეგახსენებთ, რომ უკრაინელი გოლკიპერი „რეალში“ 2018 წლიდან თამაშობს, მისი კონტრაქტი კი 2030 წლის ივნისამდეა გათვლილი.
მიმდინარე სეზონში, ლუნინმა ყველა ტურნირზე 12 მატჩი ჩაატარა. Transfermarkt-ზე მისი საბაზრო ღირებულება 20 მილიონი ევროა.
