„მადლობა უნდა უთხრან, თუ მას ნერეშს ადარებთ, ფეხბურთი არ გესმით“ | ფედელე კვარაზე

იტალიელმა საფეხბურთო ექსპერტმა, ენრიკო ფედელემ ხვიჩა კვარაცხელიაზე კიდევ ერთხელ ისაუბრა. ფედელ თქმით, „ნაპოლი“ „კვარას“ მადლიერი უნდა იყოს და ადამიანებს, რომლების ამბობენ, რომ დავიდ ნერეში მისი შემცვლელია, ფეხბურთი საერთოდ არ ესმით.

„კვარას შეეძლო, ნაპოლი ფიფა-1 მე-17 წესდების გამოყენებით დაეტოვებინა, მაგრამ ეს არ მომხდარა. ქართველ ფეხბურთელს შეეძლო, 15-20 მილიონ ევროდ წასულიყო და კლუბმა მადლობა უნდა გადაუხადოს, ეს რომ არ გააკეთა. მან პარტენოპეის საშუალება მისცა, მის სანაცვლოდ 70 მილიონი ევრო მიეღო.

ვინც მიგვითითებს, რომ დავიდ ნერეში კვარაცხელიას შემცვლელია, მარტო ფეხბურთი კი არა, საერთოდ არაფერი ესმის. მიმდინარე სეზონში, კვარა ჯერ კიდევ გუნდის ერთ-ერთი საუკეთესო ბომბარდირია. მხოლოდ ის ხალხი მოიაზრებს ნერეშს კვარაცხელიას შემცვლელად, ვისაც ფეხბურთი საერთოდ არ ესმის. ისინი საერთოდ სხვანაირი ფეხბურთელები არიან“.

ცნობისთვის, ფედელეს კვარაცხელიას წასვლაზე წარსულშიც უსაუბრია და განაცხადა, რომ დავიდ ნერეშის მასთან შედარება მკრეხელობაა. მისი თქმით, ხვიჩა მომენტს ყოველთვის ქმნიდა და თამაშს სულ ამწვავებდა, ეს კი „ნაპოლის“ არც ერთ ამჟამინდელ ფეხბურთელს არ შეუძლია.