დაახასიათე მახაჩევი სამი სიტყვით | თოფურიამ მსუბუქი წონის ჩემპიონზე ისაუბრა
ილია თოფურიამ Men’s Health-ს ვრცელი ინტერვიუ მისცა და ბევრ საინტერესო თემაზე ისაუბრა. „ლეგენდას“ UFC-ის მსუბუქი წონითი დივიზიონის ჩემპიონის, ისლამ მახაჩევის სამი სიტყვით დახასიათება სთხოვეს და თოფურიამ რუს მებრძოლზე მოკლედ ისაუბრა.
„როგორ დავახასიათებდი ისლამ მახაჩევს სამი სიტყვით? პირველ რიგში, ის უშნო ადამიანია და დიდი თავი აქვს. ამასთან, ჯიუტიცაა, მაგრამ ერთი დადებითი ნამდვილად აქვს, მახაჩევი კარგი მებრძოლია“.
შეგახსენებთ, რომ რამდენიმე კვირის წინ, „ლეგენდამ“ ქვემსუბუქი წონითი დივიზიონის ქამარი ვაკანტური გახადა და მსუბუქ წონაში გადავიდა. თოფურიას მომდევნო მეტოქეზე ბევრი იწერება და ილიას თქმით, UFC-ი მას საჩემპიონო ორთაბრძოლას დაჰპირდა.
მსუბუქი წონითი დივიზიონის მოქმედი ჩემპიონი ისლამ მახაჩევია და ის აცხადებს, რომ „ლეგენდამ“ სატიტულო ჩხუბის მიღება უნდა დაიმსახუროს. ამ საკითხთან დაკავშირებით, ჰენრი სეხუდომ საინტერესო განცხადება გააკეთა. „ტრიპელ სის“ თქმით, მახაჩევის მწვრთნელი, ხაბიბ ნურმაგომედოვი თვლის, რომ თოფურია საჩემპიონო ორთაბრძოლას ჯერ არ იმსახურებს და ტოპ 5-ის წევრი მებრძოლი უნდა დაამარცხოს.
