„კიდევ კარგი, დოლიძემ ჩვენი ცემა არ გადაწყვიტა“ | ომალიმ მერაბთან შეხვედრა გაიხსენა
შონ ომალიმ მერაბ დვალიშვილზე ისაუბრა და გაიხსენა მომენტი, როდესაც „მანქანასა“ და მის გუნდს UFC PI-ში (UFC-ის Performance Institute. UFC-ის საკუთრებაში არსებული დაწესებულება, რომელიც მებრძოლებს წონასთან დაკავშირებულ საკითხებსა და ვარჯიშში ეხმარება, მათ ჯანმრთელობაზე ზრუნავს და სპორტსმენებს თანამედროვე ტექნოლოგიებსა და საჭიროების შემთხვევაში, ფსიქოლოგიურ დახმარებას სთავაზობს) შეხვდა.
„სასაცილო მომენტი იყო, რადგან შმიტისა (რიკი შმიტი, ომალის ვიდეო კრეატორი) და მერაბს მცირე დაპირისპირება ჰქონდათ და ერთმანეთს ინსტაგრამზეც წერდნენ. UFC PI-ში წასვლამდე, ბიჭებს ვუთხარი, მერაბი იქ ცხოვრობს-მეთქი. ყოველთვის, როცა UFC PI-ში წავსულვარ, დვალიშვილი იქ დამხვედრია, ან კაფეტერიაში ზის ან ვარჯიშობს.
UFC PI-ში წავედით და წავიყვანე ბიჭები, რომლებთან ერთადაც X Box-ზე ვიდეოთამაშებს ვთამაშობ და ვლაპარაკობ ხოლმე. კაფეტერიაში მერაბს შევხვდით და მან შმიტის მაჯაზე ჩაავლო. ვუთხარი ჩვენთვის გამოუსადეგარია, შეგიძლია წაიყვანო-მეთქი.
მერაბი კარგი ადამიანია. დვალიშვილს რომან დოლიძე ახლდა, რომელიც ფიზიკურად ძალიან დიდი ბიჭია და კიდევ კარგი, ჩვენი ცემა არ გადაწყვიტა, რადგან გვერდით მყავდნენ ბიჭები, რომლებთან ერთადაც ვიდეოთამაშებს ვთამაშობ ხოლმე. ჩხუბის შემთხვევაში, ისინი უნდა დამხმარებოდნენ“...
Having some fun in the jacuzzi w/ @sugasean ???????????? pic.twitter.com/vZS57jYfWL
— Merab “The Machine” Dvalishvili (@MerabDvalishvil) March 8, 2025
შეგახსენებთ, რომ დვალიშვილი მომდევნო ორთაბრძოლას სწორედ ომალის წინააღმდეგ გამართავს. UFC-ის აღმასრულებელმა დირექტორმა, დენა უაითმა დაადასტურა, რომ „მანქანისა“ და „შუგას“ დაპირისპირება 7 ივნისს (თბილისის დროით, 8 ივნისს) გაიმართება.
