სეხუდო: „პერეირას ადგილზე რემატჩისგან თავს შევიკავებდი“
ბოლო პერიოდში UFC-ის სუპერმსუბუქი წონითი დივიზიონის მებრძოლი ჰენრი სეხუდო კომენტარს სხვადასხვა თემასთან დაკავშირებით აკეთებს. ყველაზე საინტერესო ბუნებრივია მისგან იმის მოსმენა იყო, რომ კიდევ ერთი ბრძოლის გამართვის შემდეგ კარიერას დაასრულებს. მექსიკური წარმოშობის სპორტსმენმა ისიც თქვა, რომ ისლამ მახაჩევს ილია თოფურიასთან ჩხუბს ხაბიბ ნურმაგომედოვი უკრძალავს. სულ ბოლოს კი შეფასება ალექს პერეირასა და მაგომედ ანკალაევს შორის გასამართ სავარაუდო რემატჩზე გააკეთა.
რას ამბობს სეხუდო
პერეირას ადგილას, რომ ვიყო პაუზას ავიღებდი და ამ ინტერვალისას ანკალაევი საჩემპიონო ქამარს დივიზიონის სხვა რომელიმე მებრძოლთან დაიცავდა. ბრაზილიელმა კარგად უნდა შეისწავლოს ანკალაევის საბრძოლო სტილი. „პოატანი“ ბევრს მოგზაურობს და თუ ვარჯიშს უფრო მეტ დროს არ დაუთმობს, კიდევ უფრო დიდი პრობლემები შეექმნება.
შეგახსენებთ, რომ პერეირასა და ანკალაევს შორის ქვემძიმე წონითი დივიზიონის საჩემპიონო ქამრისთვის ორთაბრძოლა რამდენიმე კვირის წინ გაიმართა და დაღესტნელმა მებრძოლმა სამხრეთ ამერიკელი მეტოქე ხუთ რაუნდში მსაჯების ერთსულოვანი გადაწყვეტილებით დაამარცხა.
