„ყველა გუნდისგან ვიცით, რასაც უნდა ველოდოთ“ - ბოსნია & ჰერცეგოვინას კალათბურთელი

ევრობასკეტზე საქართველოს ნაკრების ერთ-ერთი მეტოქის, ბოსნია & ჰერცეგოვინას ნაკრების ლიდერმა და NBA-ის „შარლოტ ჰორნეტსის“ კალათბურთელმა, იუსუფ ნურკიჩმა FIBA-სთან ინტერვიუში მოახლოებულ ტურნირზე ისაუბრა და ჯგუფში თავისი გუნდის შანსები შეაფასა.

რას ამბობს ნურკიჩი:

„ევრობასკეტისთვის კარგი გუნდი გვყავს და მიზნისკენ ნაბიჯ-ნაბიჯ უნდა ვიაროთ. ევრობასკეტზე ჯგუფიდან 1993 წლის შემდეგ არ გავსულვართ და ვეცდებით, ეს კვიპროსში გავაკეთოთ. მაგრამ ჩვენი მიზანი არა მხოლოდ ჯგუფიდან გასვლა, არამედ მედლის მოპოვებაა“.

„სანაკრებო ტურნირებიდან ყველზე მეტად ევრობასკეტი მომწონს, რადგან ამ გათამაშებაში ისეთი გუნდები მონაწილეობენ, ვისგანაც ვიცით, რას უნდა ველოდოთ, უცნობი გუნდი არავინაა. ჩვენს ქვეყანაში კალათბურთი ძალიან უყვართ და როდესაც მოედანზე გავდივართ მთელი ქვეყნის მხარდაჭერას ვგრძნობთ. იმედი გვაქვს, მხარდაჭერა არც კვიპროსში მოგვაკლდება“.

შეგახსენებთ, რომ ევრობასკეტ 2025 წლის ჯგუფური ეტაპის ყველა შეხვედრას საქართველოს ნაკრები კვიპროსში გამართავს, მეტოქეები კი მასპინძელი ნაკრების გარდა ესპანეთის, იტალიის, საბერძნეთისა და ბოსნია & ჰერცეგოვინას ნაკრებები იქნებიან.