„პირველ რაუნდში დასრულდება“ - ბისპინგი ასპინალი-ჯონსის ბრძოლაზე
ტომ ასპინალსა და ჯონ ჯონსს შორის UFC-ის მძიმე წონით დივიზიონში საჩემპიონო ბრძოლა ჯერჯერობით არ ჩანიშნულა, თუმცა სპეციალისტები, ქომაგები და შერეული ორთაბრძოლების ყოფილი მებროლები ამ სუპერდაპირისპირების შესახებ საკუთარ აზრს უკვე გამოთქვამენ და ბევრი მათგანი პროგნოზსაც აკეთებს. მათ შორისაა UFC-ის ყოფილი ჩემპიონი მაიკ ბისპინგი - ბრიტანელი მებრძოლი მძიმე წონის მომავალი საჩემპიონო ჩხუბზე ასეთ პროგნოზს აკეთებს:
„ასპინალი მძიმე წონითი დივიზიონის ელიტური მებრძოლია, ამ დივიზიონის სხვა სპორტსმენები კი მისნაირი სწრაფები, ტექნიკურები და მოქნილები არ არიან. მე ასე ვიტყოდი - ასპინალი მძიმე წონის ჟორჟ სენ-პიერია. ჯონ ჯონსის მიმართ რამდენადაც არაკორექტულადაც არ უნდა გამომივიდეს, ძალიან გაკვირვებული დავრჩები, თუ ტომი მას პირველივე რაუნდში არ დააფინიშებს“.
შეგახსენებთ, რომ ტომ ასპინალი ოქტაგონში ბოლოს UFC 304-ზე ივლისში შევიდა და ამერიკელი კერტის ბლეიდსი სარევანშო ბრძოლაში დაანოკაუტა. ჯონსმა კი ნოემბერში, UFC 309-ზე ასევე ნოკაუტით სტიპე მიოჩიჩს აჯობა.
