ფიფას რეიტინგი განახლდა - რომელ ადგილზეა საქართველოს ნაკრები

ფიფამ საფეხბურთო ნაკრებების რეიტინგი განაახლა და საქართველოს ეროვნულმა გუნდმა პოზიცია შეინარჩუნა.
„ჯვაროსნები“ 68-ე ადგილს იკავებდნენ და განახლებულ რეიტინგში ცვლილებები არ შეხებიათ.

საქართველოს 1373.05 ქულა აქვს და ჩრდილოეთ მაკედონიას 2.53 ქულით ჩამორჩება, 69-ე ადგილზე მყოფ ფინეთს კი 13.26 ქულით უსწრებს.

ჩვენს ნაკრებს წინსვლის შანსი ივნისში მიეცემა, როცა ვილი სანიოლის გუნდი ამხანაგურ მატჩში ფარერის კუნძულებს დაუპირისპირდება.

გეტყვით იმასაც, რომ რეიტინგში პირველი არგენტინა გახლავთ. მეორე ადგილს ესპანეთი იკავებს. საფრანგეთი მესამე პოზიციაზე იმყოფება, ხოლო ინგლისი და ბრაზილია ხუთეულს ასრულებენ. ნიდერლანდები - მეექვსეა, პორტუგალია - მეშვიდე, ბელგია - მერვე, იტალია - მეცხრე, ხოლო გერმანია - მეათე.

ცნობისთვის, ვილი სანიოლის გუნდმა მარტში ერთა ლიგის ორმატჩიან პლეიოფში სომხეთის ნაკრები დაამარცხა (1:9) და B დივიზიონში ადგილი შეინარჩუნა.

ფოტო: ეროვნული ნაკრები