„შონი რემატჩს იმსახურებდა“ - ალჯომ მერაბისა და ომალის ბრძოლაზე ისაუბრა

UFC-ის სუპერმსუბუქი წონითი დივიზიონის ყოფილმა ჩემპიონმა და მერაბ დვალიშვილის უახლოესმა მეგობარმა, ალჯამეინ სტერლინგმა შონ ომალისა და მერაბის რემატჩზე თავისი მოსაზრება დააფიქსირა.

ალჯომ აღნიშნა, რომ „შუგა“ თავისი მემკვიდრეობის გამო ამ ბრძოლის მიღებას იმსახურებდა.

რას ამბობს სტერლინგი:

„გულწრფელად რომ ვთქვა, UFC ყოველთვის იმას გააკეთებს, რაც ბიზნესისთვის და ბრენდისთვის საუკეთესო იქნება. ვისურვებდი თუ არა მერაბისა და შონის რემატჩის დაუყოვნებლივ მიღებას? აბსოლუტურად. მაგრამ ამ შემთხვევაში ბიზნესის მოდელის უკეთესად მესმის, ვიდრე ბევრ სხვას. და ომალი მართლაც ამაღელვებელი ბიჭია, რომელმაც ტოპ 5-ში ბევრი კანდიდატი დაამარცხა. ასე რომ, ვფიქრობ, ის რემატჩის მიღებას ნამდვილად იმსახურებს ყველა იმ ტოპ კანდიდატის შემდეგ, ვინც ამ წონაში დაამარცხა“.

შეგახსენებთ, რომ მერაბ დვალიშვილი UFC-ის სუპერმსუბუქი წონითი დივიზიონის ჩემპიონი გასული წლის სექტემბერში, სწორედ შონ ომალისთან გამარჯვების შემდეგ გახდა. „შუგას“ შემდეგ „მანქანამ“ იანვარში უმარ ნურმაგომედოვი დაამარცხა და ჩემპიონის ქამარი დაიცვა, ომალის კი სექტემბრის შემდეგ არ უჩხუბია. მერაბისა და „შუგას“ რემატჩი მიმდინარე წლის 7 ივნისს, საქართველოს დროით კი 8 ივნისს უნდა გაიმართოს.