„ამ შანსს ხელიდან ვერ გავუშვებდი“ - სავიოლა ბარსადან რეალში ტრანსფერზე

„ბარსელონადან“ „რეალში“ ფეხბურთის ისტორიაში თითზე ჩამოსათვლელი მოთამაშეები არიან გადასული და მათ რიგებს მიეკუთვნება ხავიერ სავიოლა, რომელმაც სამეფო კლუბში კარიერის გაგრძელება 2007 წელს გადაწყვიტა. მართალია, ლუიშ ფიგუს ტრანსფერის მსგავსად, მის საქციელს ასეთივე დიდი რეზონანსი არ გამოუწვევია, მაგრამ კატალონიელი ქომაგების უდიდესი ნაწილი არგენტინელი ფორვარდის საქციელით დღემდე განაწყენებულია და სავარაუდოდ, უკმაყოფილო ადამიანების ნაწილი მისი ბოლო კომენტარის მოსმენის შემდეგ, საგრძნობლად მოიმატებს.

რას ამბობს სავიოლა

მე ნამდვილად არავისთვის მიღალატია. „ბარსელონასთან“ კონტრაქტი მისრულდებოდა, რომლის გახანგრძლივების ვერანაირ შანსს ვერ ვხედავდი. სწორედ ამ დროს გამოჩნდა ინტერესი მსოფლიო ფეხბურთის მეორე გრანდის, მადრიდის „რეალის“ მხრიდან და გადაწყვეტილების მიღების დროს დიდხანს ნამდვილად არ მიფიქრია.

იცით რატომ? მსურდა, რომ ჩემი კარიერა სწორი გზით განვითარებულიყო, მეთამაშა მდიდარი ტრადიციების მქონე კლუბში და თავი მნიშვნელოვან მოთამაშედ მეგრძნო. სამეფო კლუბიდან შემოთავაზების შემდეგ, აგენტს ვუთხარი, რომ სასწრაფოდ დაეწყო მოლაპარაკებები, რადგან ასეთ შანსს ხელიდან ვერ გავუშვებდი.

სავიოლამ „ბარსელონას“ რიგებში ასპარეზობისას, 168 მატჩში 70 გოლი გაიტანა, ხოლო „რეალში“ 29 შეხვედრაში 5 ბურთი მიითვალა.