„კონტე ნამდვილი მეომარია, ჩემპიონი კვარას და ოსიმენის გარეშე ხდება“ - ნაპოლის ექს-ფეხბურთელი

ნაპოლის ყოფილმა ფეხბურთელმა დანიელე ადანიმ იტალიურ მედიასთან ინტერვიუს დროს „პარტენოპეის“ ამჟამინდელ მდგომარეობაზე ისაუბრა და განაცხადა, რომ ანტონიო კონტეს წარმატების მიღწევა ხვიჩა კვარაცხელიასა და ვიქტორ ოსიმენის გარეშეც შეუძლია.

რას ამბობს ადანი:

„ჩემთვის ყველაზე დასამახსოვრებელი წარმატება სპალეტის დროს იყო, როდესაც გუნდმა დიდხნიანი პაუზის შემდეგ სკუდეტოს მოგება მოახერხა. ლუჩანოსთან ერთად ცას შევეხეთ, შემდეგ კი ძირს დავეშვით. ახლა კვლავ შეგვიძლია ცაში დაბრუნება, თანაც იმ დროისთვის ორი საუკეთესო ფეხბურთელის, ხვიჩა კვარაცხელიასა და ვიქტორ ოსიმენის დაკარგვის შემდეგ. ანტონიო კონტე ნამდვილი მეომარია, რომელიც მთლიანად „ნაპოლიზე“ არის კონცენტრირებული. მან კლუბში ახალი პროექტი დაიწყო და ბევრი სირთულის მიუხედავად, რომელიც იანვარში შეხვდა, თავს წარმატებით ართმევს“.

30 ტურის შემდეგ „ნაპოლი“ სერია A-ს სატურნირო ცხრილში 64 ქულით მე-2 პოზიციაზე იმყოფება და ლიდერ „ინტერს“ 3 ქულით ჩამორჩება. ანტონიო კონტეს გუნდი მომდევნო შეხვედრას 7 აპრილს, სტუმრად „ბოლონიასთან“ გამართავს.