ისევ ორმაგი დუბლი | მამუკელაშვილის სან ანტონიომ დენვერს მოუგო
NBA-ის მორიგ ტურში სანდრო მამუკელაშვილის „სან ანტონიო სპურსი“ „დენვერ ნაგეთსს“ ესტუმრა და 113:106 გაიმარჯვა.
ქართველმა კალათბურთელმა პარკეტზე 23:04 წუთი გაატარა და ორმაგი დუბლი გაიფორმა - მამუს ანგარიშზე 16 ქულა, 10 მოხსნა და 1 ჩაჭრაა.
მამუკელაშვილის საუკეთესო მომენტები
„სან ანტონიოს“ რიგებში ყველაზე შედეგიანი ჰარისონ ბარნსი იყო (20 ქულა, 8 მოხსნა, 3 ასისტი). რაც შეეხება მასპინძლებს, ყველაზე მეტი, 30 ქულა რასელ უესტბრუკმა ჩააგდო და ამას 11 მოხსნა და 6 ასისტი მიუმატა.
76 მატჩის შემდეგ „სან ანტონიო“ დასავლეთ კონფერენციის მე-13 ადგილზეა. მომდევნო მატჩს მამუკელაშვილის გუნდი 5 აპრილს, საკუთარ კედლებში, „კლივლენდის“ წინააღმდეგ გამართავს.
