მოედანი ნაადრევად დატოვა - გულიაშვილმა ტრავმა მიიღო
ბოსნიის თასზე სარაევო ბორაკს უპირისპირდება. როგორც ყოველთვის, გიორგი გულიაშვილი ძირითად შემადგენლობაში მოგვევლინა, თუმცა მატჩის მიმდინარეობისას, მოედანი დატოვა.
შეხვედრის 36-ე წუთზე ქართველმა ფეხბურთელმა ტრავმა მიიღო და მისი შეცვლის მიზეზი სწორედ ეს გახდა. ჯერჯერობით უცნობია მისი დაზიანების სიმძიმე.
შეგახსენებთ, რომ გულიაშვილს საოცარი სეზონი აქვს. 23 წლის ქართველმა ყველა ტურნირზე ერთად 31 მატჩში მიიღო მონაწილეობა, 21 გოლი გაიტანა და 4 საგოლე გადაცემა შეასრულა.
რაც შეეხება სარაეოვს, ბოსნიური კლუბი ეროვნულ ჩემპიონატში 49 ქულით მესამე პოზიციას იკავებს და ლიდერს 11 ქულით ჩამორჩება.
ასევე შეგახსენებთ, გულიაშვილის კარგი თამაში ვილი სანიოლს არ გამოეპარა და ის ეროვნულ ნაკრებში სომხეთთან გასამართი მატჩებისთვის გამოიძახა, სადაც მისი დებიუტიც შედგა.
