მეკარე ცრურწმენით - ედერსონის აღიარება ბრიტანულ მედიასთან
ედერსონ მორაეში თანამედროვე ფეხბურთში ერთ-ერთი საუკეთესო მეკარეა, რომელიც წლების განმავლობაში მანჩესტერ სიტის კარს სტაბილურად იცავს.
ფეხბურთელებს მატჩების წინ, ხშირად აქვთ რაიმე სახის რიტუალი ან ცრურწმენა. გამონაკლისი არც ბრაზილიელი მეკარე გახლავთ.
ამის შესახებ ედერსონმა BBC SPORT-თან ისაუბრა:
„მე მხოლოდ ერთი ცრურწმენა მაქვს. ყველა თამაშის დროს, გუნდის შორტის შიგნიდან, ერთი და იგივე სპეციალური შორტი მაცვია. 8 წლის განმავლობაში არ შემიცვლია.“
შემდეგ ჟურნალისტმა ჰკითხა: „ისინი კარგ ფორმაში უნდა იყვნენ?“
ედერსონის პასუხი: „არა“ - ამის შემდეგ ორივემ გაიცინა
Ederson has been wearing the same boxers on matchdays for EIGHT YEARS. ???? ????#MCFC #BBCFootball pic.twitter.com/dDIU6jfc58
— Match of the Day (@BBCMOTD) April 2, 2025
შეგახსენებთ, რომ ედერსონ მორაეში მანჩესტერ სიტის 2017 წელს შეუერთდა. ბრაზილიელმა მეკარემ ქალაქელებთან ერთად ყველა შესაძლო საკლუბო ტიტული მოიგო. ყველა ტურნირზე ერთად 362 მატჩში მიიღო მონაწილეობა.
