ნაპოლი და ატალანტა იბერიას 17 წლის ფეხბურთელით ინტერესდება
კვარაცხელიასა და მამარდაშვილის ევროპაში გამოჩენის შემდეგ, ქართველი ფეხბურთელების მიმართ ნელ-ნელა ინტერესი იზრდება. ევროპული კლუბები უკვე აქტიურად აკვირდებიან ახალგაზრდა ქართველ ტალანტებსაც. მორიგი ასეთი სიახლე თბილისის „იბერიასა“ და 18-წლამდელთა ნაკრების მცველს ნიკოლოზ ბოჭორიშვილს ეხება.
ცნობილი იტალიელი ჟურნალისტის ნიკოლო სკირას ცნობით, ბოჭორიშვილის მიმართ ინტერესს რამდენიმე იტალიური კლუბი გამოხატავს. სხვათა შორის სკირა ანდრია ბართიშვილის შესახებაც წერდა, რომლის მიმართაც დაინტერესება „იუვენტუსმა“ გამოხატა.
#Napoli, #Atalanta and #Gent are monitoring the young georgian talent Nikoloz #Botchorishvili (born in 2007) playing as a centre back but also can play at defensive midfielder and right back. He plays for Iberia U19. A Napoli’s scout was present at Georgia-Moldova U18 in November
— Nicolò Schira (@NicoSchira) April 2, 2025
დაინტერესებულთა სიაში „ნაპოლი“ და „ატალანტა“ იმყოფებიან, ასევე ბელგიური „გენტი“. 17 წლის ბოჭორიშვილი ამპლუით ცენტრალური მცველია, თუმცა თამაში მარჯვენა მცველად და საყრდენ ნახევარმცველადაც შეუძლია.
როგორც სკირა ამბობს, „ნაპოლის“ წარმომადგენლები ნოემბერში საქართველოს 18-წლამდელთა გუნდის თამაშსაც დაესწრნენ.
ნიკოლოზ ბოჭორიშვილი „იბერიას“ 19-წლამდელთა გუნდის წევრია და „იბერია“ 2-ის რიგებშიც ხვდება ხოლმე.
