სეხუდო: დვალიშვილს ბევრად მეტი დაფასება ეკუთვნის
7 ივნისს, UFC 316-ზე მთავარი ბრძოლა მერაბ დვალიშვილისა და შონ ომალის მეორე დაპირისპირება იქნება. „მანქანა“ ქამარს მეორედ დაიცავს, ომალი კი მის დაბრუნებას შეეცდება.
ბრძოლის ჩანიშვნის შემდეგ, თავისი მოსაზრება დააფიქსირა წონის ყოფილმა ჩემპიონმა ჰენრი სეხუდომ.
„ომალიმ არ იცის როგორ დაიძვრინოს თავი მერაბის კონტროლის შემდეგ. ეს მისთვის პრობლემაა. შონის შანსი არის სხეულში ფეხით დარტყმები. მან დვალიშვილს ზიანი უნდა მიაყენოს და თან გალიის შუაში დარჩეს. ამას ვამბობ იმიტომ, რომ ჩემი ბრძოლა გამახსენდა, როცა მერაბს დავუპირისპირდი. ომალიმ გვერდულად უნდა იმოძრაოს. მაგრამ მაინც მგონია, რომ ომალისთვის „მანქანა“ უბრალოდ ძალიან ცუდი სტილის ოპონენტია. რატომ? მერაბს ულიმიტო „საწვავის ავზი“ აქვს. შონს კი გდების დროს თავდაცვა არ შეუძლია, რომელიც ავტომატურად გალიის შუაში დარჩენის შანსს განსაზღვრავს.
იმისათვის, რომ დვალიშვილის დამარცხება შეძლო, გჭირდება ჭიდაობის მინიმალური დონე, რომელსაც თუ არ ფლობ, მერაბის წინააღმდეგ უბრალოდ განწირული ხარ.
დვალიშვილმა მოუგო იანს, მე, ალდოს, ომალის და შემდეგ უმარ ნურმაგომედოვს, რამაც გამაკვირვა. მერაბს ბევრად მეტი დაფასება ეკუთვნის. Pound-for-pound რეიტინგში მე-3 ადგილზე უნდა იყოს. მას წარმოუდგენელი რეზიუმე აქვს“.
აქვე გეტყვით, რომ სეხუდომ კარიერას მალე დასრულების შესახებ გამოაცხადა. თებერვალში ამერიკელმა მებრძოლმა, სონგ იადონგთან ჩხუბის დროს, თვალი დაიზიანა. მას რბილი ქსოვილებისა და რქოვანას დაზიანება დაუდგინდა.
