U19 | ბოლქვაძის ჭკვიანური ჯარიმა და ჩხეტიანის გოლი - საქართველოს ქულა ლუქსემბურგთან
საქართველოს 19-წლამდე გოგონათა ნაკრებმა ევროპის ჩემპიონატის საკვალიფიკაციო ეტაპის ბ ლიგის მეორე რაუნდის პირველი მატჩი გამართა.
ლავრენტი დავითაშვილის გუნდმა სასტარტო შეხვედრა ლუქსემბურგის ნაკრების წინააღმდეგ ფრედ დაასრულა. საქართველოს ნაკრების რიგებში გოლი ნინიკო ჩხეტიანმა გაიტანა. გოლის ეპიზოდში, ჯარიმა ელენე ბოლქვაძემ საკმაოდ ჭკვიანურად შეასრულა, რომელიც ლუექსემბურგის ნაკრების მეკარემ ცუდად მოიგერია და ჩხეტიანმაც დამატებაზე დიდებულად ითამაშა.
მომდევნო შეხვედრას საქართველოს 19-წლამდე გოგონათა ნაკრები ლიხტენშტაინის წინააღმდეგ 5 აპრილს გამართავს, ხოლო 8 აპრილს, ჯგუფის მასპინძელ ბულგარეთს დაუპირისპირდება. ა ლიგის საგზურს ბ ლიგის ექვსი ჯგუფის გამარჯვებულებთან ერთად, ერთი საუკეთესო მეორეადგილოსანი მოიპოვებს.
