სპორტინგის მწვრთნელი: “ქოჩორაშვილი ბევრ სარგებელს მოგვიტანს“
როგორც მოგეხსენებათ, მომავალი სეზონიდან გიორგი ქოჩორაშვილი ლისაბონის სპორტინგის ღირსებას დაიცავს.
სულ ცოტა ხნის წინ, პორტუგალიური კლუბის მთავარმა მწვრთნელმა რუი ბორჟესმა ქართველ ფეხბურთელთან დაკავშირებით ისაუბრა.
ბორჟესი:
„ქოჩორაშვილს გარკვეული პერიოდის განმავლობაში ვაკვირდებოდით. ის კონკურენტუნარიანი მოთამაშეა. შეუძლია გოლების გატანა და აქვს ტექნიკური ხარისხი. ვფიქრობ, ის ბევრ სარგებელს მოგვიტანს და სპორტინგისთვის ეს პატივია.
ქოჩორაშვილი ნახევარდაცვის ერთ-ერთ პოზიციას დაიკავებს. მიმდინარე სეზონში ტრავმებმა ხელი შეგვიშალა და ზამთრის სატრანსფერო ფანჯრის დროს ეს ვერ მოვაგვარეთ. რატომ არ მოწერა გიორგიმ ხელი იანვარში? ახლა 5 მილიონი გადავიხადეთ და იანვარში 15-ს ითხოვდნენ.
იანვარში ფეხბურთელებს არავინ უშვებს, მით უმეტეს მაშინ, როდესაც დაწინაურებისთვის იბრძვიან. საუკეთესო მოთამაშეების ღირებულება იანვარში ძალიან იზრდება.“
ცნობისთვის, ქოჩორაშვილი ახალ კლუბთან კონტრაქტს 2030 წლის ზაფხულამდე გააფორმებს და მის ხელშეკრულებაში გამოსასყიდი თანხა 80 მილიონი ევრო ჩაიწერება.
ლისაბონელებმა ლევანტეს 5.5 მილიონი ევრო გადაუხადეს და შესაძლოა ბონუსებით ეს თანხა კიდევ 2 მილიონით გაიზარდოს. ამასთან, თუ სპორტინგმა სამომავლოდ ქოჩორაშვილის გაყიდვა გადაწყვიტა, ლევანტე ტრანსფერიდან შემოსული თანხის 10 პროცენტს მიიღებს.
