თბილისში 16-წლამდელთა შორის საკალათბურთო ევროპის ჩემპიონატი გაიმართება
საქართველოს დედაქალაქი 16 წლამდელთა შორის ევროპის ჩემპიონატს უმასპინძლებს. ამის შესახებ კალათბურთის საერთაშორისო ფედერაციამ გამოაცხადა.
ტურნირი 8 აგვისტოს დაიწყება და 16 აგვისტოს დასრულდება. თავდაპირველად ჩემპიონატი თურქეთის ქალაქ სტამბოლში უნდა გამართულიყო, მაგრამ ფიბამ გადაწყვეტილება შეცვალა და ახალ მასპინძელ ქვეყნად საქართველო დაამტკიცა.
16-წლამდელთა ევროპის ჩემპიონატზე გამოვლინდებიან ნაკრებები, რომლებიც მონაწილეობას 2026 წლის მსოფლიო ჩემპიონატზე მიიღებენ. ტურნირის საგზურს ხუთი საუკეთესო შედეგის მქონე გუნდი და ასევე შეჯიბრების მასპინძელი თურქეთი მიიღებს.
