„UFC ორივეს რაღაცას დაჰპირდა და ეს მთავარი პრობლემაა“ - UFC-ის კომენტატორი ილია-ისლამის ჩხუბზე

UFC-ის ყოფილმა მებრძოლმა და ამჟამად ამავე ორგანიზაციის კომენტატორმა, პოლ ფელდერმა მაიკლ ბისპინგთან ერთობლივ ბრძოლაში ისლამ მახაჩევისა და ილია თოფურიას შესაძლო ჩხუბზე ისაუბრა.

რას ამბობს ფელდერი:

„ისლამის კარგად მესმის. ის ალბათ ფიქრობს: „მე ისევ უნდა ვებრძოლო ქვემსუბუქი წონის მებრძოლს. მე ხომ P4P-ის საუკეთესო მებრძოლი ვარ და ეს ყველაფერი მაინც უნდა გავაკეთო?“ ასე რომ, მესმის, რატომაც აჭიანურებს ისლამი თოფურიასთან ჩხუბს. მაგრამ მეორეს მხრივ, ილიასაც დაჰპირდნენ სატიტულო ბრძოლას, სწორედ ეს არის მთელი პრობლემა. პრომოუტერები ორივეს რაღაც საოცარს დაჰპირდნენ, ახლა კი უნდა გადაწყვიტონ, როგორ დაითანხმონ მახაჩევი და თოფურია ამ ყველაფერზე. როგორც ყოველთვის, საუკეთესო გამოსავალი მათთვის ბევრი ფულის მიცემაა, შემდეგ კი ყველაფერი თავისით გამოვა“.

არსებული ინფორმაციით, ისლამ მახაჩევი მიიჩნევს, რომ ილია თოფურიამ მასთან შეხვედრამდე ჯერ მსუბუქ წონაში სულ მცირე ერთი ჩხუბი უნდა მოიგოს. რაც შეეხება თოფურიას, რამდენიმე დღის წინ „ლეგენდამ“ განაცხადა, რომ საჩემპიონო ქამრის დათმობის სანაცვლოდ, UFC მას სატიტულო ჩხუბს დაჰპირდა.