„მახაჩევი-თოფურიას ჩხუბი UFC-ის დიდ ფულს მოუტანს“ - რობერტ უიტეკერი

UFC-ის ყოფილი ჩემპიონი, რობერტ უიტეკერი ილია თოფურიას მიერ წონითი დივიზიონის შეცვლას გამოეხმაურა და მის პოტენციურ მეტოქეებზე ისაუბრა.

უიტეკერის თქმით, მსუბუქი წონა ახლა ყველაზე სანახაობრივი დივიზიონია.

„ამ წონაში ნამდვილი მკვლელების მთელი რიგია. დასტინ პორიეს რეზიუმეს ჩავხედე - ყველა მკვლელია. საუკეთესო ხუთეულში ნემსს ვერ ჩააგდებ.

არ ვიცი, რას შეჰპირდა დენა უაითი თოფურიას, მაგრამ თუ შენი ნებით დატოვე ქამარი და დივიზიონი შეიცვალა - ახალი წონის ტოპში უნდა იყო. მინდა, რომ თოფურიას პირდაპირ სატიტულო ჩხუბი მისცენ, თუმცა აქ ერთი ნიუანსი არის.

როდესაც წონას იცვლი და სატიტულო ჩხუბს იღებ, ეს ნიშნავს, რომ შენ არ გადიხარ იმ გზას, რომელსაც შენი კონკურენტები გადიან. თუმცა მე მაინც მგონია, რომ სხვა წონითი დივიზიონის ჩემპიონის სტატუსს დიდი მნიშვნელობა აქვს. ეს დასაფასებელია.

ასევე მესმის, რატომ ეწინააღმდეგება ამას მახაჩევის გუნდი. ილამი ჩემპიონია, მაგრამ საბოლოო ჯამში გადაწყვეტილებას UFC იმის მიხედვით იღებს, რაც უფრო საინტერესოდ გამოიყურება. მახაჩევი-თოფურიას ჩხუბი UFC-ის დიდ ფულს მოუტანს“.

არსებული ინფორმაციით, ისლამ მახაჩევი მიიჩნევს, რომ ილია თოფურიამ მასთან შეხვედრამდე ჯერ მსუბუქ წონაში სულ მცირე ერთი ჩხუბი უნდა მოიგოს. რაც შეეხება თოფურიას, რამდენიმე დღის წინ „ლეგენდამ“ განაცხადა, რომ საჩემპიონო ქამრის დათმობის სანაცვლოდ, UFC მას სატიტულო ჩხუბს დაჰპირდა.