ლაიფციგი შესაძლოა ოლივერ გლასნერმა ჩაიბაროს
„ლაიფციგის“ ხელმძღვანელობა მთავარ მწვრთნელად ოლივერ გლასნერის დანიშვნას ფიქრობს. ინფორმაციას ჟურნალისტი ფლორიან პლეტენბერგი ავრცელებს.
მისი ინფორმაციით, ავსტრიელმა სპეციალისტმა გერმანული კლუბი შესაძლოა მომდევნო სეზონზე ჩაიბაროს. კლუბის წარმომადგენლებსა და მას შორის პირველი კონტაქტი უკვე შედგა.
თუ გლასნერი შეთავაზებას დათანხმდება, კლუბს „კრისტალ პალასისთვის“ კომპენსაციის გადახდა მოუწევს, რადგან ავსტრიელს კლუბთან კონტრაქტი 2026 წლამდე აკავშირებს.
შეგახსენებთ, რომ „ლაიფციგმა“ მარკო როზე დაითხოვა და გუნდს სეზონის ბოლომდე ჟოლტ ლიოვი უხელმძღვანელებს.
