„უსამართლობა იქნება“ | რა თქვა ხაბიბმა ილიასთვის სატიტულო ბრძოლის მიცემაზე

UFC-ის ორი წონითი დივიზიონის ყოფილმა ჩემპიონმა, ჰენრი სეხუდომ მაიკ ბონს ინტერვიუ მისცა. „ტრიპელ სიმ“ ილია თოფურიასთვის მსუბუქი წონის საჩემპიონო ორთაბრძოლის მიცემაზე ისაუბრა და ამ საკითხთან დაკავშირებით, ხაბიბ ნურმაგომედოვის პოზიცია გაგვიზიარა.

„ახლახან, ილია თოფურიამ განაცხადა, რომ საჩემპიონო ქამრის დათმობის სანაცვლოდ, UFC-ი სატიტულო ჩხუბს დაჰპირდა. თუ ეს სიმართლეა, ისლამ მახაჩევს მისცემენ, მაგრამ მახსოვს, ხაბიბ ნურმაგომედოვს ველაპარაკებოდი და მითხრა, რომ ილიასთვის სატიტულო ორთაბრძოლის ეგრევე ჩანიშვნა უსამართლობა იქნება. სწორედ ამიტომ, მგონია, რომ ისლამის გადაწყვეტილებამდე საქმე არ მივა და პროცესში ხაბიბი ჩაერთვება. ის იტყვის, რომ თოფურიამ ნომერ პირველი პრეტენდენტი უნდა დაამარცხოს და ქამრისთვის შემდეგ იჩხუბოს.

მახაჩევი ნებისმიერ დროს, ნებისმიერი მეტოქისთვის მზადაა, მაგრამ პიროვნება, რომელიც გადამწყვეტ როლს ითამაშებს, ხაბიბ ნურმაგომედოვი იქნება. ის თოფურიასთან ჩხუბზე უარს იტყვის და სწორედ ამიტომ მგონია, რომ მახაჩევის მომდევნო მეტოქე ჯასტინ გეიჯი იქნება“.

საინტერესოა, რომ სეხუდომ „ლეგენდას“ მომდევნო მეტოქეც დაასახელა და ივარაუდა, რომ შესაძლოა, თოფურიასა და დასტინ პორიეს დაპირისპირება ვიხილოთ.