„პრობლემაა, რომ გუნდს კვარაცხელიას ალტერნატივა არ ჰყავს“ - ჯემაილი ნაპოლიზე

„ნაპოლის“ ყოფილმა ფეხბურთელმა, ბლერიმ ჯემაილიმ იტალიურ მედიასთან ინტერვიუს დროს „ნაპოლის“ ამჟამინდელ მდგომარეობაზე ისაუბრა. 38 წლის შვეიცაირელმა ნახევარმცველმა, რომელიც ამჟამად „ციურიხში“ თამაშობს, აღნიშნა, რომ გუნდს ძლიერი შეტევითი ხაზი ჰყავს, მაგრამ ერთადერთი პრობლემა ისაა, რომ ხვიჩა კვარაცხელიას წასვლის შემდეგ ხელმძღვანელებმა მისი ღირსეული შემცვლელი ვერ მოიყვანეს.

რას ამბობს ჯემაილი:

„კონტეს დანიშვნის პირველივე დღიდან მჯეროდა, რომ კონტეს ამ გუნდთან ერთად სკუდეტოს მოგება შეეძლო. ის არაჩვეულებრივი მწვრთნელია და მის ხელში შესანიშნავი გუნდი აღმოჩნდა, რომელიც გასული რთული სეზონის შემდეგ გამოჯანმრთელდა. ამ სეზონში ნაპოლის არა ერთი პრობლემა ჰქონდა, მაგრამ ჩემპიონობის შანსი მაინც აქვს“.

„ნაპოლის ძლიერი შეტევა ჰყავს, მაგრამ გუნდის ერთადერთი ნაკლი ის არის, რომ იანვარში კვარაცხელიას შემცვლელი ვერ მოიყვანეს. ოკაფორს აქვს შესაბამისი ხარისხი, რომ გუნდს დაეხმაროს, მაგრამ იანვარში ისეთ გუნდში წასვლა, რომელიც შეკრულია და სკუდეტოსთვის იბრძვის, გამართლებული არ არის“.

30 ტურის შემდეგ „ნაპოლი“ სერია A-ს სატურნირო ცხრილში 64 ქულით მე-2 პოზიციაზე იმყოფება და ლიდერ „ინტერს“ 3 ქულით ჩამორჩება. ანტონიო კონტეს გუნდი მომდევნო შეხვედრას 7 აპრილს, სტუმრად „ბოლონიასთან“ გამართავს.