„მახაჩევთან გეიჯიმ უნდა იჩხუბოს“ - მაიკლ ბისპინგი
UFC-ის კომენტატორმა და ყოფილმა ჩემპიონმა, მაიკლ ბისპინგმა YouTube-ის საკუთარ არხზე თავისი მოსაზრება გამოთქვა იმასთან დაკავშირებით, ვინ უნდა იყოს მსუბუქი წონის ჩემპიონის, ისლამ მახაჩევის შემდეგი მეტოქე.
რა თქვა ბისპინგმა:
„არმან ცარუკიანი რეიტინგის პირველი ნომერია, მაგრამ მას სატიტულო ჩხუბს არ მისცემენ. ყველამ ვიცით, რა მოხდა იანვარში: დენა უაითმა თქვა, რომ არმანმა ყველაფერი თავიდან უნდა დაამტკიცოს. მგონია, რომ ამ ჩხუბით არც ისლამ მახაჩევია დაინტერესებული. ჩარლზ ოლივეირა რეიტინგში მეორეა, ჯასტინ გეიჯი კი მესამე. ჯასტინს ისლამთან ჯერ არ უჩხუბია - ეს რაღაც სიახლე იქნებოდა.
ვფიქრობ, ყველა თანახმა იქნება, თუ სატიტულო ჩხუბს გეიჯის მისცემენ. ჯასტინი ქამრის მოპოვების შესაძლებლობას მიიღებს, გამოიტანს დასკვნებს ხაბიბთან ჩხუბიდან და კარიერას მსუბუქი წონის ჩემპიონის სტატუსით დაასრულებს“.
შეგახსენებთ, რომ გეიჯიმ მიმდინარე წლის მარტში, UFC 313-ზე მსაჯთა ერთსულოვანი გადაწყვეტილებით რაფაელ ფიზიევი დაამარცხა.
თავის მხრივ, მახაჩევმა ქამრის მეოთხე დაცვა იანვარში, რენატო მოიკანოს წინააღმდეგ გამართა და პირველივე რაუნდში მახრჩობელა ილეთით გაიმარჯვა.
